Gleði og gaman á fermingarhátíð

31. janúar 2018

Gleði og gaman á fermingarhátíð

Í fyrsta skiptið héldu þjóðkirkjusöfnuðurnir í Hafnarfirði og Garðabæ sameiginlega fermingarhátíð sunnudaginn 28. janúar og hana sóttu á fjórða hundrað fermingarbörn ásamt fermingarfræðuum og prestum . Svo fjölmenn var hátíðin að það þurfti þrjár kirkjur til að rúma alla dagskrána og voru þær allar iðandi af lífi og glöðum fermingarbörnum.

Dagskrá fyrir pilta fór fram í Hafnarfjarðarkirkju og daskrá fyrir stúlkur í Vídalínskirkju, en svo var sameiginleg kvöldvaka í Víðistaðakirku. Yfirskrift hátíðarinnar var “Betri eru tveir en einn” (Prédikarinn 4:9) og þemað var vinátta og kærleikur. ´Hátíðin hófst með samhristing og svo tóku fræðslan við. Góðir gestir, Brynja Dan Gunnarsdóttir og Guðjón Reykdal Óskarsson komu í heimsókn og ræddu við börnin um líf sitt og hvernig við sýnum vinum okkar stuðning í verki. Einnig var horft á stuttmynd um óvenjulega vináttu, farið í leiki sem reyna á traust og hvernig við brjótum ísinn í samskiptum. Þá var frjáls tími sem sumir nýttu til að slaka á, spila eða taka þátt í brandarakeppni. Í kvöldmat var boðið var upp á pítsur og runnu þær ljúflega niður hjá þessum stóra hópi. Svo var hópunum ekið í rútum í Víðistaðakirkju, þar sem fram fór sameiginleg kvöldvaka. Hljómsveitin Sálmari tók á móti þeim með fjörugri tónlist, sungið og farið í leiki. Einnig kom Jón Jónsson, tónlistarmaður, og tók nokkur lög með fermingarbörnunum. Hátíðina sóttu fermingarbörn frá Ástjarnar-, Bessastaða-, Hafnarfjarðar-, Vídalíns- og Víðistaðakirkjum.  Fleiri myndir má sjá hér
    Fermingarbörn á Akranesi 18. apríl ganga fram hjá safnaðarheimilinu Vinaminni eftir fermingu í kirkjunni - mynd: hsh

    Vorboðinn aftur

    20. apr. 2021
    ...fermingar ganga vel fyrir sig - II. hluti
    Ferming í Akraneskirkju 18. apríl 2021 - fermingarbörn ganga til kirkju - mynd: hsh

    Vorboðinn

    19. apr. 2021
    ...fermingar á ýmsum nótum - fyrri hluti
    Seyðisfjarðarkirkja á góðum degi - mynd: Ómar Bogason

    Samstaða í verki

    16. apr. 2021
    ...kirkja og samfélag