Reykholt umvafið sígildum tónum

25. júlí 2020

Reykholt umvafið sígildum tónum

Altari Reykholtskirkju

Það er alltaf mikill menningarviðburður þegar Reykholtshátíð er sett. Hátíðin hófst í gær og lýkur síðdegis á morgun.

Dagskrá Reykholtshátiðar er jafnan metnaðarfull og leitast við að tefla fram tónlistarfólki í fremstu röð.

Opnunartónleikar hátíðarinnar voru í gærkvöldi og tókust einstaklega vel. Þar voru þeir feðgar á ferð, Kristinn Sigmundsson og Jóhann Kristinsson. Hægt verður að hlýða á kórkonsert Hljómeykis í dag kl. 16.00 en honum stjórnar Þorvaldur Örn Davíðsson. Þá verður kammerkonsert í kvöld kl. 20.00 og lokakonsert hátíðarinnar verður kl. 16.00 á morgun, sunnudag.

Tónleikarnir fara fram í Reykholtskirkju en hljómburður í henni er einstaklega góður.

Á Reykholtshátíð er jafnan fluttur áhugaverður fyrirlestur í Snorrastofu en af óviðráðanlegum ástæðum er hann felldur niður þetta árið.

Umsjónarmaður hátíðarinnar er Sigurgeir Agnarsson, sellóleikari.

Þetta er 25ta Reykholtshátíðin og er hún jafnan haldin síðustu helgina í júlímánuði.

Á morgun fagnar Reykholtssöfnuður kirkjudegi sínum með hátíðarguðsþjónustu kl. 14.00.

Kirkjan.is hvetur öll þau sem eiga leið um Borgarfjarðarhérað í dag og á morgun að staldra við í Reykholti. Þar í hlaði er kristni, saga, menning og listir. Er hægt að bjóða betur?

hsh


Hér má hlusta á Hljómeyki syngja á Reykholtshátíð 2018, stjórnandi er Marta Guðrún Halldórsdóttir


  • List og kirkja

  • Menning

  • Messa

  • Samfélag

  • Tónlist

  • Trúin

  • Viðburður

  • Frétt

Sr. Agnes með grímu frá Lútherska heimssambandinu

Kirkjan og kórónuveiran

11. ágú. 2020
Andlitsgríma og góð málefni
Ásta Guðrún Beck

Nýr starfsmaður

10. ágú. 2020
Ásta Guðrún Beck
Kirkjan.logo  - það besta.jpg - mynd

Laust starf - öflugur bókari

08. ágú. 2020
Umsóknarfrestur til 24. ágúst